بعد ماانخدع للشاعر(عمار هليل الواسطي)

بعد ما أنخدع ميزاني شــــوف العيــــن

بنيـــــت اعله الثقه وما شفــــت بنياني

ولا مجبور أصدك َ كل حجــــــي الينكال

ولا خلي الســــــراب يصيــــــر عنواني

بعدني اعله الجرف وادري البحر غدار

ليش أتعب واغامر وانهي ذرعــــــاني

وماراهن بعد عالمطـــــــــر كَبل الغيم

وأعيشهــــــــه بأمل وتبور كيعــــاني

وإذا ماي ابمذله ايكبـــــــــر الزرعـات

شيطفــــــــي الندم لو شعل نيراني

يا كبوة جـــــــواد الغيـــرت تــــــــاريخ

حته آخـــــذ قـــــراري وأذم فرســاني

وليش أندم واكَـــــول اشلون ما هديت

إذا شفــــت النصر بأعتاب بيبـــــاني

اهواي اتعلمت والحزن رابي اويـــاي

شفة ناي جرحي وتعزف أحــــــزاني

واعرفهه الكَلوب الما تشيــــل الطيب

واقراهه وابد ما يـــــــــوم تقـــراني

وتمر لحظة ندم واتعارك اويه الــــروح

ويه المانسيته وشفتــــــــه ينساني

وشفت لحظة فرح لبست اثياب العيــد

تيهت الطريـــــق وشوكَـــــــي دلاني

هواي اتعلمت والحزن رابي اويـــأي

شفة ناي جرحي وتعـــــزف الحانـي

وأعرف حيتي وما أنلـــدغ مرتيــــــــن

حذر كلش حـــــــــذر والبيا صحانــــي

تمر لحظة ندم واتعـــارك اوي الــروح

ذاك الما نسيتــه وهسه ينســـــاني

مثل خيط الشمع تاج اعله راسي النار

ضويت الظلام ونـــــــوره طفــــــاني